新曲+精選

八月廿七日 烈日

今日係老虎日返黎既第一日,
我決心冇錢都同佢去食早餐,用左我留黎買talkshow d錢=)
講起talkshow,好期待啊,
今日係星期四,好多人都以為我放假今天,都令佢地失望,haha!?
有人專登請假搵我,有人見到我愕然,原來都有人知我放星期三,
有人注意到我存在過,一向透明既我就好似終於比人見到我咁=)

今日真係好好天,有空真係想去游下水,曬下..
我個問題終於出現,我終於重過我爸,可能佢極力減肥啦,
我諗我都要加油...呢排追返套"死神"黎睇,睇睇有咩吸引力,發覺都okay,
起碼我一睇就十集先停=p 唔知要睇幾耐呢~"~

呢排都聽住舊歌,好多精選都係好好聽,好令人心動,起碼我覺得=p

雜技,係janice唱得幾有感情既歌,我好欣賞..
二缺一,係冇左"阿嬌"既"阿sa"第一首好感動既歌,雖然有小小博同情feel,但係真情流露係最令人感動既一課..
紅綠燈,講起感動呢首係首選,因為抒情歌不嬲都難唔到"鄭融"出度不短既佢既呢首歌,由熟悉燈既滴溚聲開始,已經扣人心弦..
冷靜&女兒紅,這兩首都係都係Stephy出度至今既新挑戰,因為非常高音,
如果唱live都唱到,佢一定係落左唔小功夫,起碼再不只是賣笑的佢進步了..
喜帖街&愁人節,阿Kay呢首除左有歌功和好好既詞,所以係好多人既精選..
如何離開你,"關心妍"既歌大多都注入好多感情,如果冇心既人,係唱唔到..
不能哭了-"傅穎"仲有首"你是友色的"都係好扇情既歌,同佢個樣係絕配..
戀愛疲勞-"Kary"佢係cookies係唱得最好我個人認為,佢慢歌同快歌都貼近出度比佢耐既"鄭融"既功力,不過我最鐘意係"明知做戲">"<
木紋,韻律泳&化蝶,"妹姐"徒弟歌功幾好,"阿詩"係由"木紋"開始先唱出真感情,不過佢都有首歌好正叫"化蝶","勞斯 萊斯"等..
痛愛&可歌可泣,不過,講到反應最熱烈既,緊係經驗非常多既"Joey"啦,佢快歌好激,慢歌d詞又非常好,前幾年佢既最受歡迎女歌手唔係白拎既,不過,佢師傅係羅文,所以明師出高徒,由"痛愛"和"逃避你"直到而家"可歌可泣"係大進步,但從一而中,好多主打歌d歌詞都令人印象深刻,已經深入民心了..
其他"王苑之-"面具"係一首音樂和他的聲配合得令人非常舒服既歌..
泳兒-"無心戀唱"&"花無雪"呢首歌係實力既象徵,把聲一向高音既佢,應該冇難度..

女歌手既歌我覺得高音同聲甜多數都係王道=)